السلام عليكم
هذه أحدى قصائد الشاعر الرائع (أيهاب المالكي)
أتمنى أن تنال استحسانكم
(كل عقلك) للشاعر (أيهاب المالكي):
كل عقلك فرح تلكه ابحلك بي ناي..؟؟؟!!!
من تلمح عيوني راح تلكه الرد...
اشترجه امن المكابر غير طاري الموت...
وما بيهه المشانق غير حلّ وشدّ....
صدكت الحجي وامنّت بيك احلام...
لكن ما لكيتك لمن صارت جدّ....
أنه ردتك تجيني بوكت بي شمّات...
جنت اسمع حجيهم من أمرّ يشتدّ....
إلى أن أيّسوا منك ذروني ارتاح...
لكوا غيرك وغيري والحديث انسدّ...
تجي هسه ؟؟...اشبعد؟؟...قصّرت لو ما جاي...
وين الكه الشماته ...حتى اكلهم ...ردّ....
إلك يد ابحياتي ...أعترف ما ناسيه...
بس انت مماتي همّ الك بي يد...
أنه ردتك تجي الساف الوكع تبنيه...
هسه الساف خلّه...بس اساسه انهدّ....
حجر عثرة الجرح حطّيته كبل الروح...
وامأمن ابجيتك راح بي تصطد...
ولو حدّ بالبداية إلك ما خلّيت...
بس حاولت تالي ردت احطلك حدّ...
تريد اشفاف تفرح..؟؟؟ آنه شرط انطيك...
أريد افرح ولكن ...مستحي امن الخدّ...
غرك خدّي دمع وشّلت بي ما فاد...
اتصور فوك جفني ردت احطّن (سدّ)!!!!
جنت اسكت كبل لو هددتني اتروح...
أخاف اتروح مني ....عن زعلتي ارتدّ....
هسه انت رحت وانه امن اخاف امنين...؟؟؟
أنه اتناسيت كلشي واعتبرتك...ندّ....
شغيّر بيك..؟؟؟ كلبك...؟؟؟ مستحيل اتصير...
هو اللون الاسود ...يبقه لون اسود...
كلما جايني ...جاي اقتنع وانساك...
وبكل امنياتي...جاي احسّ أزهد...
إله اسباب الزعل مو عن فراغ ايصير ...
ما صار الجزر لو ما يصير المدّ...
نفسهن ما جبت فد شي جديد اوياك...
يا جرح الأشوفه...عندي منّه اشكد !!!!
وعه بيك الورد شافك شتلت اسهام...
نايم سوّه روحه حتى ما يشهد ....
واسأل جفن عيني حتى ادينك بي...
علّ لا يحجي أندسه (بيهه جنت ارمد)...!!!
أشيل اضماد جرحي اتريد..؟؟؟
(لا مو هيج)...
أنت اسألني الاول : آنه جرحي انشدّ...!!!
يستشري الحزن واستأصله كل يوم...
إلى أن أخبروني أن حزنك قد...
وصل حاله بعد منّك صعب ينشال...
جروحك بي امجلبه...جذره بيهه امتدّ...
كضه وكتك مثل ما خلص وكتي ابيوم...
وين اتريد احطّك باب كلبي انسدّ؟؟؟...
رذاذ العالورد صح ندّه بس لو طاح...
تتغير اوصافه مو ندّه ينعدّ....
بس ايجوز اذا حرّ الشمس يجويه...
يتبخر ايجوز وللورد يصعد...
عله ما اشوف دمي ينكطع لو لا..؟؟
من حرّة اصوابي تنطفي وتبرد...
زين انت بقه صوتي وراي اوياك...
أنه من رحت عني ما بقالي احدّ...
مو جرّة مكص بس ماكو اثر جفّين...
جا بصمات ظلّت لو ابفعلة يدّ...
فرق (يوسف) بريء اتضّح من تهموه...
تقنعني قميصك من دبر ينقدّ...
(يوسف) من لبس جان القميص اكدار....
بس انت قميصك بي زغر ما كدّ...
أريد اقضي بجريمة ما كو بيهه شهود...
بس كلمة الساني والزعل والصدّ...
عندي المشكلة ابّين الجرح والسيف...
سيفك ...جرحي ...!!!
كلي ياهو منهم هدّ...
ولهذا آنه كلما أوصل انطي احكام...
أكول : الجلسة هسّه تنرفع ...للغد!!!
هذه أحدى قصائد الشاعر الرائع (أيهاب المالكي)
أتمنى أن تنال استحسانكم
(كل عقلك) للشاعر (أيهاب المالكي):
كل عقلك فرح تلكه ابحلك بي ناي..؟؟؟!!!
من تلمح عيوني راح تلكه الرد...
اشترجه امن المكابر غير طاري الموت...
وما بيهه المشانق غير حلّ وشدّ....
صدكت الحجي وامنّت بيك احلام...
لكن ما لكيتك لمن صارت جدّ....
أنه ردتك تجيني بوكت بي شمّات...
جنت اسمع حجيهم من أمرّ يشتدّ....
إلى أن أيّسوا منك ذروني ارتاح...
لكوا غيرك وغيري والحديث انسدّ...
تجي هسه ؟؟...اشبعد؟؟...قصّرت لو ما جاي...
وين الكه الشماته ...حتى اكلهم ...ردّ....
إلك يد ابحياتي ...أعترف ما ناسيه...
بس انت مماتي همّ الك بي يد...
أنه ردتك تجي الساف الوكع تبنيه...
هسه الساف خلّه...بس اساسه انهدّ....
حجر عثرة الجرح حطّيته كبل الروح...
وامأمن ابجيتك راح بي تصطد...
ولو حدّ بالبداية إلك ما خلّيت...
بس حاولت تالي ردت احطلك حدّ...
تريد اشفاف تفرح..؟؟؟ آنه شرط انطيك...
أريد افرح ولكن ...مستحي امن الخدّ...
غرك خدّي دمع وشّلت بي ما فاد...
اتصور فوك جفني ردت احطّن (سدّ)!!!!
جنت اسكت كبل لو هددتني اتروح...
أخاف اتروح مني ....عن زعلتي ارتدّ....
هسه انت رحت وانه امن اخاف امنين...؟؟؟
أنه اتناسيت كلشي واعتبرتك...ندّ....
شغيّر بيك..؟؟؟ كلبك...؟؟؟ مستحيل اتصير...
هو اللون الاسود ...يبقه لون اسود...
كلما جايني ...جاي اقتنع وانساك...
وبكل امنياتي...جاي احسّ أزهد...
إله اسباب الزعل مو عن فراغ ايصير ...
ما صار الجزر لو ما يصير المدّ...
نفسهن ما جبت فد شي جديد اوياك...
يا جرح الأشوفه...عندي منّه اشكد !!!!
وعه بيك الورد شافك شتلت اسهام...
نايم سوّه روحه حتى ما يشهد ....
واسأل جفن عيني حتى ادينك بي...
علّ لا يحجي أندسه (بيهه جنت ارمد)...!!!
أشيل اضماد جرحي اتريد..؟؟؟
(لا مو هيج)...
أنت اسألني الاول : آنه جرحي انشدّ...!!!
يستشري الحزن واستأصله كل يوم...
إلى أن أخبروني أن حزنك قد...
وصل حاله بعد منّك صعب ينشال...
جروحك بي امجلبه...جذره بيهه امتدّ...
كضه وكتك مثل ما خلص وكتي ابيوم...
وين اتريد احطّك باب كلبي انسدّ؟؟؟...
رذاذ العالورد صح ندّه بس لو طاح...
تتغير اوصافه مو ندّه ينعدّ....
بس ايجوز اذا حرّ الشمس يجويه...
يتبخر ايجوز وللورد يصعد...
عله ما اشوف دمي ينكطع لو لا..؟؟
من حرّة اصوابي تنطفي وتبرد...
زين انت بقه صوتي وراي اوياك...
أنه من رحت عني ما بقالي احدّ...
مو جرّة مكص بس ماكو اثر جفّين...
جا بصمات ظلّت لو ابفعلة يدّ...
فرق (يوسف) بريء اتضّح من تهموه...
تقنعني قميصك من دبر ينقدّ...
(يوسف) من لبس جان القميص اكدار....
بس انت قميصك بي زغر ما كدّ...
أريد اقضي بجريمة ما كو بيهه شهود...
بس كلمة الساني والزعل والصدّ...
عندي المشكلة ابّين الجرح والسيف...
سيفك ...جرحي ...!!!
كلي ياهو منهم هدّ...
ولهذا آنه كلما أوصل انطي احكام...
أكول : الجلسة هسّه تنرفع ...للغد!!!
