السلام عليكم
اليوم جبتلكم واحدة من أحلى قصائد المبدع (جبار رشيد)
وأكيد راح تعجبكم
بيني وبين نفسي
اشگد افكر بيك
واگول اشمعنه أنت.. الشاغل اضنوني
مو اول عشگ
خاطر تشل الحال
ولا أول جمال اتشوفك.. عيوني
****
شجاهه الروح
يمك ذبّت الاسرار
وليش ارجف عليك ..وينخطف لوني
وحتى الناس
گامت تعرف بهالحال
وما اعرف.., شگلهم من يسألوني
يطبّون بصفنتي
وعنك ايدورون
ويلگوني افكر بيك... يلگوني
****
وصاحت كلهه صاحت
هذا هذا فلان
وما عندي لگوك.. وبيك تهموني
**
تهموني
بمحبتك والله لو يدرون
على ضيم العليّ.. ايضل يواسوني
****
ما يدرون عايفني
بمهب الريح
وانه وياك.. عفت الما يعوفوني
****
يحبوني اشكثر
والجيّتي ايتانون
واخجل من كثر ما گام... يتنوني
وانت الما تحبني
اشلون بالله وياك
امرّن بيك...، ما امر باليحبوني
****
عفت اللي شروني
ومن ارد اشلون
هم اسوة بعد... والنوب يشروني
حبيتك شجاني
وما حسبت احساب
خيعونك عليّ... مو آنة خيعوني
****
متحبني.. واحبك..
والمصيبة انوب
اريدك وانهزم.. من اليريدوني
****
ومن دونك صرت
ما اعيش ويّ الناس
وانت بكل سعاده... تعيش من دوني
باحزانك
اودي دموعي تبچي وياك
وبافراحك
ابد ماتذكر اسنوني
****
من سمعوا أهلنه
العشگ دگ الباب
ما خلوك اهلك ...واهلي خلوني
ما خلوك اهلك
حگهم يخافون
بس اهلي المحبتك ..شلع باعوني
اليوم جبتلكم واحدة من أحلى قصائد المبدع (جبار رشيد)
وأكيد راح تعجبكم
بيني وبين نفسي
اشگد افكر بيك
واگول اشمعنه أنت.. الشاغل اضنوني
مو اول عشگ
خاطر تشل الحال
ولا أول جمال اتشوفك.. عيوني
****
شجاهه الروح
يمك ذبّت الاسرار
وليش ارجف عليك ..وينخطف لوني
وحتى الناس
گامت تعرف بهالحال
وما اعرف.., شگلهم من يسألوني
يطبّون بصفنتي
وعنك ايدورون
ويلگوني افكر بيك... يلگوني
****
وصاحت كلهه صاحت
هذا هذا فلان
وما عندي لگوك.. وبيك تهموني
**
تهموني
بمحبتك والله لو يدرون
على ضيم العليّ.. ايضل يواسوني
****
ما يدرون عايفني
بمهب الريح
وانه وياك.. عفت الما يعوفوني
****
يحبوني اشكثر
والجيّتي ايتانون
واخجل من كثر ما گام... يتنوني
وانت الما تحبني
اشلون بالله وياك
امرّن بيك...، ما امر باليحبوني
****
عفت اللي شروني
ومن ارد اشلون
هم اسوة بعد... والنوب يشروني
حبيتك شجاني
وما حسبت احساب
خيعونك عليّ... مو آنة خيعوني
****
متحبني.. واحبك..
والمصيبة انوب
اريدك وانهزم.. من اليريدوني
****
ومن دونك صرت
ما اعيش ويّ الناس
وانت بكل سعاده... تعيش من دوني
باحزانك
اودي دموعي تبچي وياك
وبافراحك
ابد ماتذكر اسنوني
****
من سمعوا أهلنه
العشگ دگ الباب
ما خلوك اهلك ...واهلي خلوني
ما خلوك اهلك
حگهم يخافون
بس اهلي المحبتك ..شلع باعوني