السلام عليكم
اليوم جبت قصيدة كلش حلوة للشاعر (أمير المالكي)
وانشاء الله راح تعجبكم
جيتك ابلهفة عشگ .. من تركض ابلاوعي .. وين انته رايح بعد
بس تبتعد لو شبر .. يغفه اعله وجهي القهر
انه ابدونك درب .. يمشي اعله راسه قلق .. وي صوت جدم البشر
هاك انه جيتك طفل .. ﺑﭽفوفه شايل نجم .. بعيونه شايل هوى
ليلي ضلام ودمع .. ضحكاتك امسودنه .. لمن تمرلي شمس .. تترس العالم ضوه
تضحك ضحكتك غطه .. غطي السنين المضت .. ايامهه امشوهه
هاك انه جيتك مثل .. عصفور فوگ الغصن .. صياد يمه رمه
ﺑﭽفوفك اﺷﭽم وطن .. ينكط محنه وعشگ .. لمن تحس بالرعب .. تنزل بديك السمه
كل صوت اسمعه حزن .. يخلق ابروحي جرح .. يمتد عليّه نهر
واﻟﭽان مامنكشف .. لا هسه ابشرك وضح
بس صوتك انته عذب .. صوتك يجيني جنح .. شايل حلم من حلم .. يرسم ابعيني فرح
فصّلني بيدك شمس .. حطني اعله بابك حرز .. طشني اعله عمرك ورد
لفني ابگذلتك طفل .. بردان گضه العمر .. مانايم امن البرد
حطني اعلى شفتك نهر .. لمن يجيك العطش .. لفني اعله طولك ستر
هاذه انا جيتك دمع .. حطني اعله ليلك ضوه .. دمعات عين الفجر
لالاتغمض الجفن .. يغفه اعله طوله الزمن .. يغفه اعله طوله البحر
وينام ميّ البحر .. جثه اعله ﭽف الجرف
بعيونك انته لغز .. شايل درب مزدحم.. بي كلشي ماينعرف
هاذه انه يمك تهت .. دوّرني خاف انجرح
يجرحني خاف الحزن .. شوّفني وجه الهنه
حساس من انجرح .. جرحولي عمري ابحجي .. ماتت اسنين اشكثر
ماضلت اشجم سنه
وماريد عمري البقه .. بيك انه لمن متت .. ماصار فوگي علم
هاك اخذ كل العمر .. هوه انه شفته العمر .. واگف ابابك صنم
اليوم جبت قصيدة كلش حلوة للشاعر (أمير المالكي)
وانشاء الله راح تعجبكم
جيتك ابلهفة عشگ .. من تركض ابلاوعي .. وين انته رايح بعد
بس تبتعد لو شبر .. يغفه اعله وجهي القهر
انه ابدونك درب .. يمشي اعله راسه قلق .. وي صوت جدم البشر
هاك انه جيتك طفل .. ﺑﭽفوفه شايل نجم .. بعيونه شايل هوى
ليلي ضلام ودمع .. ضحكاتك امسودنه .. لمن تمرلي شمس .. تترس العالم ضوه
تضحك ضحكتك غطه .. غطي السنين المضت .. ايامهه امشوهه
هاك انه جيتك مثل .. عصفور فوگ الغصن .. صياد يمه رمه
ﺑﭽفوفك اﺷﭽم وطن .. ينكط محنه وعشگ .. لمن تحس بالرعب .. تنزل بديك السمه
كل صوت اسمعه حزن .. يخلق ابروحي جرح .. يمتد عليّه نهر
واﻟﭽان مامنكشف .. لا هسه ابشرك وضح
بس صوتك انته عذب .. صوتك يجيني جنح .. شايل حلم من حلم .. يرسم ابعيني فرح
فصّلني بيدك شمس .. حطني اعله بابك حرز .. طشني اعله عمرك ورد
لفني ابگذلتك طفل .. بردان گضه العمر .. مانايم امن البرد
حطني اعلى شفتك نهر .. لمن يجيك العطش .. لفني اعله طولك ستر
هاذه انا جيتك دمع .. حطني اعله ليلك ضوه .. دمعات عين الفجر
لالاتغمض الجفن .. يغفه اعله طوله الزمن .. يغفه اعله طوله البحر
وينام ميّ البحر .. جثه اعله ﭽف الجرف
بعيونك انته لغز .. شايل درب مزدحم.. بي كلشي ماينعرف
هاذه انه يمك تهت .. دوّرني خاف انجرح
يجرحني خاف الحزن .. شوّفني وجه الهنه
حساس من انجرح .. جرحولي عمري ابحجي .. ماتت اسنين اشكثر
ماضلت اشجم سنه
وماريد عمري البقه .. بيك انه لمن متت .. ماصار فوگي علم
هاك اخذ كل العمر .. هوه انه شفته العمر .. واگف ابابك صنم
