السلام عليكم
اليوم جبت قصيدة كلش حلوة للمبدع(جبار رِشيد)
أتمنى تعجبكم
اليوم جبت قصيدة كلش حلوة للمبدع(جبار رِشيد)
أتمنى تعجبكم
ارد اكتب قصيدة وكون تسمعهه
وشوف اشگد عشگ شايل بمطلعهه
القصيدة بس الك.. واخفيهه عن الناس
بس يمك اجي.. ويمك أطلعهه
اسولف بيهه كلشي وما اضم اعليك
وعلى اجفوف القوافي اسراري اوزعهه
گلبي اسرار بيه متحجبة امن اسنين
لذب احجابهه بحضنك وافرعهه
القريحة اتحركت بيه واجاني الهام
وما أعرف الفكرة منين منبعهه
أرصعك بالغزل كل ضني هذا الچان
القصيدة انوب رادت بيك ارصعهه
منجم شاعرية وكلهه طمعت بيك
وشكو كلمة غزل حسنك امصنعهه
مو صدفة العرب كتبت سبع لوحات
وردَت بلثلاثة انوب تتبعهه
السبعه العلگوهن عالجدار هناك
ملهمهن چنت جنت انت مرجعهه
وانه اليوم اجيت وحاير ابدي منين
روحي ال هوس حبك گلبي يدفعهه
دفنت نوحهه روحي وتعنت ليك
يبو چفوف الحرير ارحم بمدمعهه
جوعانه اشكثر للعشگ صار هواي
بلذة شوگ روحك روحي اشبعهه
گطرة مطر طاحت روحي وانت الگاع
ترجع للغيوم اشلون تقنعهه
يالفكيت بابك لا تسد الباب
و(علي) لو مو قفل رزاتك اشلعهه
ماخسران كلشي اتصير لو متصير
روحي بنار حبك عيشة مصرعهه
يالطبعك نحل لو عسل لو لدغات
ياهي التصح منك ما نرجعهه
روحي معلعلة وما صدگت تلكاك
صدگ حتى اذيتك يعني تنفعهه
نور النور نورك شاشعل الملگاك
روحي اتحيرت يا حجة تصنعهه
اعلگلك شمع عشرة اشتضن تفيد
اخلي اضلوعي مشعولة اويه اصابعهه
ومثل شعرة اصبحت واثنينه مجانين
ما تگطعهه بيدك آنه أگطعهه
لاتطلب طلب بس گلي اتمنيت
ولك.. آنه. بخدمتك عيني اشلعهه
وما ازعلك ابد ولو بالشقة اتشاقيت
مثل بايد الخيط الدنية اگطعهه
وقبل لتمر عليه بشهر كون تكول
حتى الگاع مدري الگاع شزرعهه
وشوف اشگد عشگ شايل بمطلعهه
القصيدة بس الك.. واخفيهه عن الناس
بس يمك اجي.. ويمك أطلعهه
اسولف بيهه كلشي وما اضم اعليك
وعلى اجفوف القوافي اسراري اوزعهه
گلبي اسرار بيه متحجبة امن اسنين
لذب احجابهه بحضنك وافرعهه
القريحة اتحركت بيه واجاني الهام
وما أعرف الفكرة منين منبعهه
أرصعك بالغزل كل ضني هذا الچان
القصيدة انوب رادت بيك ارصعهه
منجم شاعرية وكلهه طمعت بيك
وشكو كلمة غزل حسنك امصنعهه
مو صدفة العرب كتبت سبع لوحات
وردَت بلثلاثة انوب تتبعهه
السبعه العلگوهن عالجدار هناك
ملهمهن چنت جنت انت مرجعهه
وانه اليوم اجيت وحاير ابدي منين
روحي ال هوس حبك گلبي يدفعهه
دفنت نوحهه روحي وتعنت ليك
يبو چفوف الحرير ارحم بمدمعهه
جوعانه اشكثر للعشگ صار هواي
بلذة شوگ روحك روحي اشبعهه
گطرة مطر طاحت روحي وانت الگاع
ترجع للغيوم اشلون تقنعهه
يالفكيت بابك لا تسد الباب
و(علي) لو مو قفل رزاتك اشلعهه
ماخسران كلشي اتصير لو متصير
روحي بنار حبك عيشة مصرعهه
يالطبعك نحل لو عسل لو لدغات
ياهي التصح منك ما نرجعهه
روحي معلعلة وما صدگت تلكاك
صدگ حتى اذيتك يعني تنفعهه
نور النور نورك شاشعل الملگاك
روحي اتحيرت يا حجة تصنعهه
اعلگلك شمع عشرة اشتضن تفيد
اخلي اضلوعي مشعولة اويه اصابعهه
ومثل شعرة اصبحت واثنينه مجانين
ما تگطعهه بيدك آنه أگطعهه
لاتطلب طلب بس گلي اتمنيت
ولك.. آنه. بخدمتك عيني اشلعهه
وما ازعلك ابد ولو بالشقة اتشاقيت
مثل بايد الخيط الدنية اگطعهه
وقبل لتمر عليه بشهر كون تكول
حتى الگاع مدري الگاع شزرعهه
