قصيدة (شمس لوني) للشاعر (عريان السيد خلف)

السلام عليكم
اليوم جبتلكم قصيدة وطنية كلش حلوة للعملاق (عريان السيد خلف)
وأكيد راح تعجبكم




عشكتك حلم بالوحشة البعيدة اتسامر اجفوني...
وعشكتك من ونين النايحة الحرّه..
التلم مجرى الدمع من عينهه اعيوني...
وعرفتك تستحي امن العايزة الجبحه....
وتفل فلّ الظفاير سفّة اظنوني....
وتوسمتك نكش بجفوف بدوية....
وذهب ليرة وشهامة اتوج شمس لوني....
وتعوّدتك حليب الوالدة الطيبة....
وصبرهه وشيبهه اليتعب على امتوني....
ونذرتك وجه للنجمة الجديدة....
ونايل وغاية....
سمارك عزّتي وعشاكك اهواية...
عشير الكل عشير ايصونك ابروحه....
وبري من كل وجه لو ما حفظ مايه....
أشمّك بالجفوف الطاهرة الخشنة....
واشوفك بالوفي الكصّته امندايه....
وابورح لو هبوبك....يلتكي ابّارح....
واخضّر بالعطش من هيبتك دايه....
أنه ابغيرك كمر ما شافته اولايه....
أنه بغيرك كمر ما ضافته اولايه...
أنه ابغيرك كلب نيّته امغطايه....
ويظل طرواك نسمة برّ....
لا يرخص شرفهه ولا هي تتعثر....
يمن طرواك خاوة الجرح والخنجر....
تعوّدتك شهامة وخوف وامكابر...
وتعودتك ....محبة وليل وامسامر....
وتعودتك خليل وخلّ....
حبيب وكل حبيبة اتبيع طاريهه....
ونِت ما بعت طاري الراح والمجبل....
يمنجل ما يلف الردي امن السنبل.....
يذل وجه اليضدك وانت ابد ما اتذلّ....