السلام عليكم
اليوم جبتلكم قصيدة كلش حلوة للشاعر الرائع (جبار رشيد)
وأكيد راح تعجيكم
الليلة صوتك
مو مثل صوتك هذاك
بي براءة وعاطفة.. ونبرة طفل
الليلة روحك
جاية ادّور أمان
وخايف اعله اسرار.. گلبك تنسئل
***
هاي بيبان الگلب
مفتوحة ليك
ومن سمعنة اسمك.. تكسر كل قفل
ليش متردد زرع حبك
يريد
من زمان ابگاعنة.. ايحب ينشتل
***
ومن زمان اعيونّه
ادّور ضواك
رمد شوف الناس.. بس شوفك كحل
شوف وجهك
شمس واتضوي الدروب
والتمر من يمّه طبعاً.. ينذهل
***
منشغل بيك اعترف
چنّك ملاك
ومنهو غيرك يستحق.. بيه انشغل
ومن اعوفك أنكتل
واخسر هواك
ومن اضل وياك.. هم راح انكتل
انكتل بيك
بسبب حسنك عجيب
والعجيبة بگلبي.. ما غيرك يحل
***
ما املّك
يا حلم ما ادري ليش
اشما تمر بالعين.. منك ما تمل
اشما كبرت بعين
تزغر
والسنين
يصيرن بأول عمر.. لمن تهل
***
يبو عگد الثالث
ازغير وچبير
وانت بين اثنينهن... نفس الشكل
اسنينك العقلك
اذا گالوا چبير
وروحك ازغيرة.. يبو اچبير العقل
***
بعد روحك
تركض بنص الجهال
وتلعب وياهم.. لعب.. جرّ.. الحبل
يا بو وجنات الورد
ما مرّ صباك
لون ذابل.. چان عافاك النحل
بعد عطرك ما خلص
توّه الربيع
ايناغم بعمرك.. يريدك تكتمل
***
انزع اسنينك
اذا كبرن عليك
بعدك ازغير وكبر.. ما تحتمل
عالگمر منگول
عمرة اشگد چبير
انگلة ابن اربعطعش. كل ,ما يهل
والشمس أكبر بعد
واكثر اكيد
ومن عمرهه الشمس,, شو ما تنفعل
وانت احلى امن الگمر
وازغر أكيد
والشمس لو عدهه عمرك... تحتفل
اليوم جبتلكم قصيدة كلش حلوة للشاعر الرائع (جبار رشيد)
وأكيد راح تعجيكم
الليلة صوتك
مو مثل صوتك هذاك
بي براءة وعاطفة.. ونبرة طفل
الليلة روحك
جاية ادّور أمان
وخايف اعله اسرار.. گلبك تنسئل
***
هاي بيبان الگلب
مفتوحة ليك
ومن سمعنة اسمك.. تكسر كل قفل
ليش متردد زرع حبك
يريد
من زمان ابگاعنة.. ايحب ينشتل
***
ومن زمان اعيونّه
ادّور ضواك
رمد شوف الناس.. بس شوفك كحل
شوف وجهك
شمس واتضوي الدروب
والتمر من يمّه طبعاً.. ينذهل
***
منشغل بيك اعترف
چنّك ملاك
ومنهو غيرك يستحق.. بيه انشغل
ومن اعوفك أنكتل
واخسر هواك
ومن اضل وياك.. هم راح انكتل
انكتل بيك
بسبب حسنك عجيب
والعجيبة بگلبي.. ما غيرك يحل
***
ما املّك
يا حلم ما ادري ليش
اشما تمر بالعين.. منك ما تمل
اشما كبرت بعين
تزغر
والسنين
يصيرن بأول عمر.. لمن تهل
***
يبو عگد الثالث
ازغير وچبير
وانت بين اثنينهن... نفس الشكل
اسنينك العقلك
اذا گالوا چبير
وروحك ازغيرة.. يبو اچبير العقل
***
بعد روحك
تركض بنص الجهال
وتلعب وياهم.. لعب.. جرّ.. الحبل
يا بو وجنات الورد
ما مرّ صباك
لون ذابل.. چان عافاك النحل
بعد عطرك ما خلص
توّه الربيع
ايناغم بعمرك.. يريدك تكتمل
***
انزع اسنينك
اذا كبرن عليك
بعدك ازغير وكبر.. ما تحتمل
عالگمر منگول
عمرة اشگد چبير
انگلة ابن اربعطعش. كل ,ما يهل
والشمس أكبر بعد
واكثر اكيد
ومن عمرهه الشمس,, شو ما تنفعل
وانت احلى امن الگمر
وازغر أكيد
والشمس لو عدهه عمرك... تحتفل
