السلام عليكم
هذه إحدى القصائد الجميلة للشاعر المبدع (أيهاب المالكي)
أتمنى أن تعجبكم
انه بميلاد جرحي اليوم غنيت
او جبت جكليت بيدي وشمعه وحده
او سهرت الليل اناطر شمعتي اتذوب
أعدّ ساعات ليلي ودمعي اعدّه
على اضماد الجرح طشيت جكليت
او على اكتاره بدّي خليت ورده
او جبت خنجر هدية عيد ميلاد
وبجرحي الرطب بهداي احدّه
كتبت اسمك ابورقه او كلت موجود
اوجن اتكول صوتك يمي بعده
تهمسلي واكلك وين ماوين؟
ماشفتك حبيبي صار مده؟
من يوم الرحت وعيوني لليوم
طيف ابغيرشوفك ماتودّه
خليني إلك بعده النفس بيك
واذا ضدنه الوكت خنصير ضده
ولا تزعل عليّه اوغيضك امحيه
والراح امن اديك اليوم ردّه
حبيبي ارجوك مابيّه احمل اعتاب
او باب الذكريات ارجوك سدّه
تره ابلياك عمري ايام محسوب
يوم براحه اعيش او يوم شدّه
سنه ولاما نسيتك دوم علبال
او غيرك من يجيني ابلحظه اصدّه
اوكلبي لغير كلبك مارجف يوم
ولو كلبك نساني اوصار ندّه
انه وانته حبيبي وعيد ميلاد
عساهه ماكضت هاي المسيه
اولوادري تجيني اليوم وارتاح
صدّك ماجبت خنجر هديه
جاجبت العمر والروح والعين
منيّتهن بديك اجمل منيه
حبيبي اكبال عيني وليل وشموع
اواديه مافاركنهن ذني اديّه
هم يلفي الصبح وبغيرك اكضيه؟
اواكول البارحه جنه سويه
لا ماظن بعد تتحمل الروح
سنه او فوك السنه تحمل اذيه
حبيبي انه ادري بيك ابغيري مهموم
او ادري ابكلبك اصبح موإليه
لكن موبديه الروح تهواك
او تفرح من تجي وتصير يمي
اوازيل اهموم عمري ابشوفتك يوم
احسن بيك ماي امن اعطش اتصير
او احس بمحبتك تجري ويه دمي
سميتك حبيبي او اغلى الاسماء
ونته بكيفك شمتريد سمي
بعتني ابيوم وانه امناطر اسنين
وانه للحين اريدك تشتريني
خلص ميلاد جرحي وخلص الليل
اوبده فجر النهار اتشوفه عيني
اوطفت شمعتنه سكته والشمع ذاب
اوغفه جرحي اوبده يحسب اسنيني
اوبقيت الوحدي ادورك وين موجود
وانه ادري ابغيابك ماتجيني
اثاري الليل ذاك الراح حلمان
اوخيال الجان مابينك وبيني
هذه إحدى القصائد الجميلة للشاعر المبدع (أيهاب المالكي)
أتمنى أن تعجبكم
انه بميلاد جرحي اليوم غنيت
او جبت جكليت بيدي وشمعه وحده
او سهرت الليل اناطر شمعتي اتذوب
أعدّ ساعات ليلي ودمعي اعدّه
على اضماد الجرح طشيت جكليت
او على اكتاره بدّي خليت ورده
او جبت خنجر هدية عيد ميلاد
وبجرحي الرطب بهداي احدّه
كتبت اسمك ابورقه او كلت موجود
اوجن اتكول صوتك يمي بعده
تهمسلي واكلك وين ماوين؟
ماشفتك حبيبي صار مده؟
من يوم الرحت وعيوني لليوم
طيف ابغيرشوفك ماتودّه
خليني إلك بعده النفس بيك
واذا ضدنه الوكت خنصير ضده
ولا تزعل عليّه اوغيضك امحيه
والراح امن اديك اليوم ردّه
حبيبي ارجوك مابيّه احمل اعتاب
او باب الذكريات ارجوك سدّه
تره ابلياك عمري ايام محسوب
يوم براحه اعيش او يوم شدّه
سنه ولاما نسيتك دوم علبال
او غيرك من يجيني ابلحظه اصدّه
اوكلبي لغير كلبك مارجف يوم
ولو كلبك نساني اوصار ندّه
انه وانته حبيبي وعيد ميلاد
عساهه ماكضت هاي المسيه
اولوادري تجيني اليوم وارتاح
صدّك ماجبت خنجر هديه
جاجبت العمر والروح والعين
منيّتهن بديك اجمل منيه
حبيبي اكبال عيني وليل وشموع
اواديه مافاركنهن ذني اديّه
هم يلفي الصبح وبغيرك اكضيه؟
اواكول البارحه جنه سويه
لا ماظن بعد تتحمل الروح
سنه او فوك السنه تحمل اذيه
حبيبي انه ادري بيك ابغيري مهموم
او ادري ابكلبك اصبح موإليه
لكن موبديه الروح تهواك
او تفرح من تجي وتصير يمي
اوازيل اهموم عمري ابشوفتك يوم
احسن بيك ماي امن اعطش اتصير
او احس بمحبتك تجري ويه دمي
سميتك حبيبي او اغلى الاسماء
ونته بكيفك شمتريد سمي
بعتني ابيوم وانه امناطر اسنين
وانه للحين اريدك تشتريني
خلص ميلاد جرحي وخلص الليل
اوبده فجر النهار اتشوفه عيني
اوطفت شمعتنه سكته والشمع ذاب
اوغفه جرحي اوبده يحسب اسنيني
اوبقيت الوحدي ادورك وين موجود
وانه ادري ابغيابك ماتجيني
اثاري الليل ذاك الراح حلمان
اوخيال الجان مابينك وبيني
