قصيدة الشاعر اركان العراقي ( راح الوطن )

سألوني گمتو عله الذبحكم
گمتو لو بعتو الوطن؟
گلتلهم اخذو كلشي منه
وماكو شيء اسمه وطن
گالو صدگ؟
گلت الصدگ باگوه من شفت الحچن
گالولي وك هنة شحچن؟
گالن ندوس عله العدة
ووحدتنه تتحدة المحن
گالو كفو وحدتهن ارجل من رجل
گلتلهم أبد مابطلن
لنهن من ارض اسباع
وعله الموت اسحگن
گالولي بس هنة المشن؟
گلت الزلم خلصت وراحو چن نذر
وخنگتنه عبرات الشجن
وارواحنا صعدت حزينه
اتنادي راح الوطن
اتنادي راح الوطن