قصيدة(ساكتة اشفاف المدينة) للشاعر (أيهاب المالكي)

السلام عليكم
هذه قصيدة للمبدع(أيهاب المالكي)
أتمنى أن تعجبكم



ساكتة شفاف المدينة ...
او بالشوارع ذ كريات امطشرة ....بجف مرتبك ...
طايح وريدة ..
اهنا قصيدة ...
اهنا قصيدة..
اهنا نزع خطواتة كلهن يم محطات الوداع..
اومالبس خطوة جديدة ..
اهنا كتب قلمة مشيت الـ....
او ماگدرت اقرة العبارة جانت الورقة بعيدة ...
اهنا شمر خرخاشة ابنة ..عللتراب ..
اعللتراب ..
حتى لايزرع حقيقة وباجر اتخضر سراب ...
او حتى لاتبقى امنياتة أتصفّن ابوجه العذاب ..
او تلتف ابجدمي شوارع ..
تطبع ابجدمي شوارع ...
تعصب عيوني شوارع ..
يامدينة بلا صدى ترضين اصيح ؟؟
خاف ماكمل طريقي وخاف اطيح
آنة اجيت ...
ابشوگ اسير ..
ابدمع امير ..
رد عدل خسران بس حط دم جذب فوگ القميص..
حتى اذا سألواأقلهه ايجاوب ايگلهم جريح ..
انة اجيت ..
ابشوگ زاير ..
يحلم ايطب للضريح ..
انة اجيت ..
ابحيل دمعة ..
اتصيح هدوني ارد اطيح ..
واعثر اردود ابقصيدة ...بلاية شاعر..
بس عزيزة مبينة عندة ..
چان طاويهة بقصيدة ..
أبنص قصيدة ..
ابنص قصيدة ..
حتى لا تنزف مشاعر..
او حتى اذا حزّّّو نحرهة ..
ماتشوهّه الحوافر..
اوحتى اذا دارت رحاهه تحتمي ابسد السواتر ..
او حتى اذا ماتت وحيدة ..
تندفن نص المگابر ...
وانة حاير ...
انة بس بهالمدينة ...
او ذكريات مطشرة ابجف مرتبك ...
تارك رسالة ...
وچان معناهة بوضوح (مسافرلخاطر جهالة )
اودورت عنّه اشكثر بس مالگيتة ...
او من لگيتة چان عابر خط حدودي...
او ماگدرت اوصل خيـــــــــــالة
ماگدرت اوصل خيالة ..