قصيدة (الأستقرار) للشاعر(عدنان الزيدي)

السلام عليكم
اليوم جبتلكم قصيدة كلش حلوة عن الأمام علي (عليه السلام)
للشاعر المبدع(عدنان الزيدي)
أتمنى تعجبكم



(علي) السبّوك همّه اتوهموا سبوك
مايدرون
ثمر ينطي النخل من ينشمر بحجار
يا أبسط بشر داخ التواضع بيه
بجدامك ايجلب من يشوفك مـــــار
(علي) ابداخل (علي) روحين متصلات
روحك يا(علي) وروح النبي المــختار
إذن انت النمت بفراش ابو الزهراء
بس حيدر دخل وياه وسط الغـــــار
ولأن وجهك ابد مادرته بالصعبات
قليله ابحقك ايسمونك الكـــــرار
يطيح الصف الاول من تصدّ عالجيش
بحيث الثاني يدخل شي طبيعي انـــــذار
بوحده من المعارك ماجنت موجود
ابوكتهه اعله الفرس ودّيت ذو الفــــــقار
المثلك بس( علي) وماكرره التاريخ
التاريخ ابزمانك يرفض التـــــكرار
انته اول بشر سباق للاسلام
بوكت مزدحمه جانت ياعلي الكـــــــــــفار
وانته اول غني اشكد فقره معتازيه
وانته اول فقير ابعازته التــــــــــجار
قطب رحّه الخلافه ومازلت للآن
وطبع بالرحّه دوم اعله القطب تنـــــدار
(علي) الدنكَ جنت بس لله يابوحسين
وغيرك بالعكس دنّك على الديــــــنار
بس انته جبينك يمشي بيه الضوء
لأن الضوء حيدر من جبينك صـــــــــار
سيفك بالحرب مايحترم كل سيف
شال الفوضى كلهه وحط الأستــــــــــقرار
وماقيسك ابواحد لا اقيسك بيك
لذالك بس (علي) اليرهم علي الكــــرار
*.*.*.*.*.*.*