السلام عليكم
هذه واحدة من قصائد الشاعر الكبير (كاظم اسماعيل الكاطع)
أتمنى أن تعجبكم
متت وياي من أول ....وتريد اتعيش من ثاني..؟؟
كتلتك جا صرت مثلي....وتريد اتصير جتالي...
أحسّ ظلك يرافكني...ويكبر من تجي الظلمة...
يصير اخيول وحشية وتطاردني...
أروح الوين..؟؟؟رحت بكل مكان وسيفك اكبالي....
أروح الوين..؟؟؟إلا اشلع جذر كلبي بشرايينه...
واجمع نار واحرك كلشي من بالي...
أحسّك ظل يرافكني...يضحكني ويبّجيني...
يسّكتني ويحّجيني...أروح الوين..؟؟؟
شكثر من بحر ذبّيت بي روحي...
ولكيتك عالجرف ...تابوت تبرالي..؟؟؟
أحسّك مدري شنهي انت..؟؟
بحر بجفوفي يتبدّه...واريد اشرب ولا كطره...
وَشوف الروح مثل الروج تتكسر على الصخرة...
ونه وطرواك طاحونة هوى ...ايفرنه الهوى العالي...
يا شارع يلمني ابليل...ماكو بيت من سوالفك خالي...؟؟
أروح الوين..؟؟؟
شكثر من بحر ذبّيت بي روحي...
ولكيتك عالجرف تابوت تبرالي..؟؟؟
وعليّ اتصيح ضنيت العشك وركة رسالة...
وتاهت اويه الريح...
ونه الخنجر دفنته وغلفه الزنجار...
نمت وما دريت الريح...تاخذهه الرسالة لكبرك السهران...
واتدّليك بالعنوان...
واتردّك عليّه اردود...غيم وريح...
يا شارع يلمني ابليل...كل كطرة مطر صخرة اعله راسي اتطيح...
أحسّك ساجية ابلا ماي تتبعني...
أمشي وهيّ تتبعني...
ألتفّ بالدرب...تلتفّ عله أيدي...تصير حيّه وحيل تلسعني...
خذت سمهه بوريدي ولذت بالبستان...
صرت ويّه الشجر ...شجره...
وسمّوني ابوكتهه ....(شجرة النسيان)...
واكعد من منامي وجني ما مكتول...
أثاريني جنت حلمان...حلمان....
هذه واحدة من قصائد الشاعر الكبير (كاظم اسماعيل الكاطع)
أتمنى أن تعجبكم
متت وياي من أول ....وتريد اتعيش من ثاني..؟؟
كتلتك جا صرت مثلي....وتريد اتصير جتالي...
أحسّ ظلك يرافكني...ويكبر من تجي الظلمة...
يصير اخيول وحشية وتطاردني...
أروح الوين..؟؟؟رحت بكل مكان وسيفك اكبالي....
أروح الوين..؟؟؟إلا اشلع جذر كلبي بشرايينه...
واجمع نار واحرك كلشي من بالي...
أحسّك ظل يرافكني...يضحكني ويبّجيني...
يسّكتني ويحّجيني...أروح الوين..؟؟؟
شكثر من بحر ذبّيت بي روحي...
ولكيتك عالجرف ...تابوت تبرالي..؟؟؟
أحسّك مدري شنهي انت..؟؟
بحر بجفوفي يتبدّه...واريد اشرب ولا كطره...
وَشوف الروح مثل الروج تتكسر على الصخرة...
ونه وطرواك طاحونة هوى ...ايفرنه الهوى العالي...
يا شارع يلمني ابليل...ماكو بيت من سوالفك خالي...؟؟
أروح الوين..؟؟؟
شكثر من بحر ذبّيت بي روحي...
ولكيتك عالجرف تابوت تبرالي..؟؟؟
وعليّ اتصيح ضنيت العشك وركة رسالة...
وتاهت اويه الريح...
ونه الخنجر دفنته وغلفه الزنجار...
نمت وما دريت الريح...تاخذهه الرسالة لكبرك السهران...
واتدّليك بالعنوان...
واتردّك عليّه اردود...غيم وريح...
يا شارع يلمني ابليل...كل كطرة مطر صخرة اعله راسي اتطيح...
أحسّك ساجية ابلا ماي تتبعني...
أمشي وهيّ تتبعني...
ألتفّ بالدرب...تلتفّ عله أيدي...تصير حيّه وحيل تلسعني...
خذت سمهه بوريدي ولذت بالبستان...
صرت ويّه الشجر ...شجره...
وسمّوني ابوكتهه ....(شجرة النسيان)...
واكعد من منامي وجني ما مكتول...
أثاريني جنت حلمان...حلمان....
